Duftranke

Stephanotis floribunda

Duftranke er ein slyngplante som kan klatre på kva som helst. Den har blanke, tjukke og ovale blad. Kvite, sterkt luktande blomar i klasar på 10 eller fleire i bladhjørna. Dei blomane er røyrforma med avslutning i fem spisse flikar. Blomane kjem frå våren til hausten. Dufranke veks kraftig. Høgden kan variere, men vanlegvis vert den på omlag 3 meter høg.

Etymologi: Det norske namnet Duftranke kjem frå at blomane luktar sterkt.

Veksestad: Duftranke vert planta inne i Noreg som potteplante.

Utbreiing: Kjem opprinneleg frå Madagaskar.

Stell: Planten skal ha det varmt og stå i sola. Når du vatnar planten skal du fukte heilt gjennom jorda, men la dei øvste 1-3 cm verte turre mellom kvar vatning. Du må ikkje vatne like mykje om vinteren. Om våren og sommaren gjødslar du flytande gjødslingsmiddel annankvar veke. Planten pottast om annankvart år om våren med vanleg blomejord.