(feb-mar) Snøklokke

Galanthus nivalis

10-15 cm høg laukplante med to smale, flate blad og ein enkelt blom hengande i toppen av stengelen.

Etymologi: Det norske namnet snøklokke kjem av at planten sprett opp rett etter at snøen er borte.

Veksestad: Snøklokke vert planta i Noreg. Kan forvillast av og til.

Utbreiing: Kjem frå Sør-Europa.

Planting: Legg laukane 5-6 cm djupt i grupper i plenen, fjellhagen eller langs husveggen. Du kan og plante snøklokker inne.

Anna: Den vert planta i hager og finnes forvilla frå Jæren til Kristiansand. Det er ein variant av snøklokke som har namnet Galanthus elwesii på latinsk. Den har litt større blomar enn vanleg snøklokke (Galanthus nivalis). Snøklokke er ein av dei tidlegaste vårblomane og blømer i slutten på februar og starten på mars.