(jul-aug) Klokkelyng

Erica tetralix

Klokkelyng er ein plante i lyngfamilien og er fylkesblomen til Rogaland.

Utsjånad:Klokkelyng er ein 20-50 cm høg vintargrøn lyngplante. Heile planten har kjertelhår. Blomane er klokkeforma, raude og nikkande. Begerblada har kjertelhår. Når bløminga er over, reiser krona seg opp og danar ein tørr behaldar rundt frøkapselen. Blada sit i kransar fire og fire oppover stengelen.

Etymologi: Namnet Erica var allereie i antikkens Hellas namnet på ein høgvoksen lyng. truleg var det allereie den gong denne arten som hadde dette namnet. Tetralix kjem av tetra = fire og helix = skrue - firkransa.

Veksestad: Klokkelyngen veks på fuktige stadar med låg pH, torvmyrer og lyngheier.

Utbreiing: Størst utbreiing langs kysten frå svenskegrensa til Helgeland.

Bruk: I kyststrauka på Vestlandet er klokkelyng vorte samla inn og brukt som gryteskrubber. Kraftige planter vert surra på ein stav til ein sopelime.